ივ. ჯავახიშვილის ისტორიისა და ეთნოლოგიის ინსტიტუტის დირექტორმა ვაჟა კიკნაძემ 2015 წლის 19–22 ნოემბერს მონაწილეობა მიიღო აღმოსავლეთ ევროპული კვლევების 47-ე საერთაშორისო კონგრესში (ASEES), რომელიც გაიმართა ფილადელფიაში (აშშ).

კონფერენციაში მონაწილეობდა 2800 დელეგატი მსოფლიოს მრავალი ქვეყნიდან.

21 ნოემბერს ვაჟა კიკნაძემ წარადგინა მოხსენება თემაზე: "ქართულ–რუსული ურთიერთობის ამსახველი პირველი დოკუმენტი (XV). ახალი ხედვა და ინტერპერეტაცია." მოხსენებაში პირველად იყო დასმული საკითხი იმის შესახებ, რომ საქართველო–რუსეთის ურთიერთობის ამსახველი ეს პირველი დოკუმენტი, რომლის მხოლოდ რუსული თარგმანია მოღწეული, რუსული მხარის მიერ, საფუძვლიანად იქნა გადამუშავებული და ჩასწორებული. კერძოდ, აშკარა ეჭვს იწვევს ის გარემოება, რომ კახეთის მეფე ალექსანდრე I, საბუთში მოხსენიებულია როგორც მოსკოვის დიდი მთავრის, ივანე III–ის "მცირე ხოლოპი", ხოლო ივანე III განდიდებულია შეუსაბამო ეპითეტებით.

მოხსენებამ დიდი ინტერესი და კამათი გამოიწვია. ვაჟა კიკნაძის მოხსენებას მაღალი შეფასება მისცა სხდომის წამყვანმა, იელის (აშშ) უნივერსიტეტის პროფესორმა, ქ–მა ტუტსონმა.

ვაჟა კიკნაძე მოხსენებების პროგრამით ხელში

ვაჟა კიკნაძე მუზეუმის წინ

ვაჟა კიკნაძე მოხსენების დროს, დაუნტაუნ მარიოტი, აუდიტორია 406 (21,11,2015)